♥مارأيكم بالمدونة وموضوعاتها♥

عطور

الساعة السابعة الان

واعيال خواتي موجدين عندي

الحين طلعو

الحقيقة ماخلوني ارتاح ههههههههههه

انا بنظف غرفتي

اخليها تعيد معنا

استفدت منهم في بعض الاشغال جيبو هذا وخذو هذا

يعني ينفعون

قبل شوي جالسه اسوي خلطت عطور من عطور قديمة عندي

شي دهني عل سائل هههههههه

اتوقع الريحة المبتكرة بتطلع شيء خيال

لسه الخلطة مادري ويش تطلع

مرة من المرات سويت خلطه

اول مشميتها اقول ياربي هالريحة مرت علي

اكتشفت انه الخلطة طلعت بايخة والريحة كاني اشم ريحة جوز الهند

عاد جوز الهند حلو بالاكل ماهو بالعطر

بس لما ارج في العطر رج تتغير الريحة وتطلع يسلام شيء خياللااحد يصدق

بس متوقعة لهذي الخلطة مستقبل مشرق

نجرب ويش ورانا يعني

شكل راسي يفتر من ريحة العطر ههههههه

اكيد راح ازيد الخلطة ماي

يمكن صار مركز

تعرفون الخبراء امثالي يهتمون بالجودة ههههه

ياربي يطلع حلو ولااتفشل ههههههههههه

لااريد ان اعتزل مبكر وانا لسه مبديت في عالم العطور

عندي امل انه ديور راح يطلبني

راح ارسل له عينه

واقول على فكرة انا كشفتكم لكم زمان ايها الفرنسيون لاتبتركون روائح جديدة من العطور بس تغيرون في العلب وشكل الزجاجة ولاالروائح متشابه

انا بصراحة هذا اللي اشوفة في الوقت الرهان في العطور الفرنسيه

زمان كل ريحة تجذب والاسم الجديد يجبرك تشترية

الحين مايجبرني ولايحزنون

والحين غلا الاسعار فيها مبالغ جدا جدا

300 و400 و500

كلام فاضي لواني قاعده اكد عليهم

هههههههههههه

الله واكبر لوانهم جيبين قدامي المكونات من الطبيعة ماطلع سعرها كذا

الله يخلي لي اللي الطش منهم من خواتي

احس ماهم صاحين بس بكيفهم

هههههههههههههههههههههههههههه

هو شعور نفسي

يعني انا اقول العطر لوبدفع فيه 150 بس

غيرة ماراح ادفع

عاد اللي حابب يشتري عطور ماركات عالمية لايروح المحلات الكبيرة في المجمعات لانها تبالغ في السعر واحيانا الزيادة 150 ريال يعني الضعف

مرة من المرات اسأله عن عطر لوليتا لمبيكا وانا اعرفه هالعطر مثل ماعرف نفسي يقولي 300

هذا من العطور القديمة المتجددة اللي شكلة تفاحة زرقاء

في المحلات الثانية 150صج محل مغمور بس يقدم لي سعر زين

ممكن البعض يقول مش الاصلي

الاهو الاصلي ونص والمحل معروف

بس المجمعات تختلف في الاسعار

عاد باريس جالاوري يالهوي على اسعارهم

موصاحين والله

مبالغة في الاسعار

والعطور اللي تجينا مغشوشة ماهي نفس تركيز ها اللي يصدر من فرنسا لدول اورباء اوغيرها

نسبة التركيز عندنا خرطي

وصارت العطور تصنع في جبل علي وغيرها

مشكلتنا الدول العربية ماعندنا اشترطات في امور التصنيع المجال مفتوح لااستراد اي شيء

ولافية موصفات عشان كذا التقليد عندنا متوفر وكانه الاصلي عادي جدا

ومسموح التعامل فيه

رغم القوانين الدولية ومنظمة التجارة العالمية تبحث عن حفظ الحقوق

بس مافيه استجابة

ودولنا تستجيب اي شي الاهذا

رغم لوكل شيء بيكون اصلي ماقدر اتخيل كيف الاسعار بتكون ههههههههههههه

اعتقد افلاس تام

في التقليد منهوبين كيف بالاصلي

شفت برنامج في القناة الفرنسية يتكلمون عن الحقوق الفكرية يعني لوزائر في المطار مسكو عنده شنطة عادية تقليد لماركة عالمية فرنسية يويله يسود ليلة مش راح يصدرون اللي عنده فيها غرامات وممكن بهدله ماحصلت تعرفون الفرنسيون من جاهم ساركوزي وهم ماعندهم سالفة هههههههههههههه

اتوقع لوساركوزي راح يضل في الحكم راح يهبب في الدنيا

والحقيقة جاه شكرا من اوباما على اهتمامة بعملية السلام

الفرنسيون لاناقت لهم ولاجمل من يوم صارو اتباع الامريكان

افكر اتعلم اللغة الفرنسية

عشان لما اتخاطب مع الفرنسيون في داركرستيان ديور لاني صاحبة ابتكارات في عالم العطور لازم اتخاطب باللغة يفهمو لي وافهم لهم ماراح اجيب مترجم ممكن ينهب مني فلوس على الترجمة ويحور كلامي ويضيع علي فرصة العمر

مشاعرنا

فيه موضوع باحد المنتديات اسمه رسائل لن تصل

صراحة موضوع حلو

اكتب فيه بس ماكتب رسائل بطريقة عزيزتي اوعزيزي هههههههههههه

مافيني هالكلام رغم حلو

وماشوف نفسي اكتب رسائل واخاطب احد فيها رغم ودي انفس فيه عن مشاعري الحقيقيه ( وبمانه ماراح اقدر اقول كل اللي في قلبي من مشاعر غاضبة من شتم ههههههه فلاداعي للدراما الهبلة اللي راح اسويها برسالة)

رغم انه متنافس  ممكن نكتب شعورنا نحو الاخرين اي كان هالشعور

شعور غاضب - مفرح - مقزز- منفر-راقص- شعور عادي وشعور مشتعل وشعور متجمد وشعور مدري ويش حكايتة

اللي مدري ويش حكايته

هل هو شعور بالحب اوالكراهيه يعني لوقلنا حب ماهو القصد منه علاقة عاطفية  انفعالية قوية ممكن نحب بهدوء

القصد انه مانقدر نحدد الشعور  ايهم يطغى على الاخر يكون هناك تساوي

يعني احيانا نسأل انفسنا سؤال هالشخصية الفلانية هل نحبها اونكرها

احيانا نجد انفسنا على حسب الظروف والمواقف واحيانا ماندري

الحب والكراهية والحرب والسلام والصداقة والعدواة اضداد بس لما يكون بينهم تساوي داخل النفس مشكلة

وعلم النفس يسمية تكافؤ الضدين

عاد لما يكون فيه تكافؤ احيانا واظن ذلك لابد من الاختيار

واذا لم يكون هناك اختيار الزمن كفيل بمعرفة ايهم اقوى من الاخر لابد من اكتشاف نقاط  تجعل الاخر يسيطر على الثاني

احنا نعاني من مشاكل في المشاعر وهذهي حقيقة لاجدال فيها

احيانا فيها تطرف  واحيانا اعتدال واحيانا حياد  واحيانا انحياز واحيانا تبلد واحيانا اضطراب واحيانا همجية واحياناسكون

تذبحنا احيانا هالاحيانا اللي ماتخلينا نقدر نحدد اشياء

افلاطون طرد الشعراء من مدينته الفاضلة لانه يفسد عقول الذين يسمعونة هو كلام يقول كذا

والى الان الشعر والقصة والرواية والاغاني  وكل اشكال الفنون الحديثة  تلعب ليس  فقط في العقول بل حتى المشاعر والفنون  تعتمد على اثارة الحواس احيانا ماتسبب اثارة لها احيانا هيجان من البلاها اللي فيها 

لوطرحنا على الانسان سؤال مين اللي يتحكم في مشاعرك العقل ولاالعاطفة

راح تكون الاجابات حسب المواضيع كل مكانت المواضيع اقرب لنا تكون العاطفة تتحكم

والعكس لما تكون ابعد

نادر جدا من يكون عقلة ذو راجحة بمعنا انه يخضع الامور اكثر للعقل اكثر من العاطفة بس هنا يبغالها شخصية قوية ولاتاخذة في الحق لومة لائام

انا اقول مايتجرد من العاطفة بس يكون شخصية فيها عدل شخصية وهبها الله هبه عظيمة لاتتوفر في اغلب البشر

ونادر بالحياة نشوف مثلها و احيانا ماتتوفر لنا في الحياة انه نشوفها هي اظن شخصية  ايمانية بمعنا فيها ايمان قوي جدا

ماهو الايمان اللي موجود عندنا يدخلة ضعف احيانا ولنا بسيرة عصر النبوة وبعض العصور الاسلامية مشاهد رائعة ومبهرة

المشاعر هي سبب من اسباب ارتكاب الاخطاء اوحتى عدم التعلم وممارسة نفس الخطا

احيانا مانجد عذر لممارسة نفس الخطا وعدم التعلم من الاخطاء

بس اللي يخطا مشاعرة تخليه يمارس نفس الخطا مشاعرة فيها خلل اواحتلال اوووووووووووو يعرف الامور على حقيقتها العقل يقعد يشرح له ويفسر ويبكية اويمكن يطبق عليه الخناق بكل قوة بس تضل المشاعر اقوى

ولاننا خارج مشاعرة الحكم يكون بالواقع والمنطق ماذا يقول اكثر منه تعمق وفهم لماذا وصل لهذي المواصيل

الامر ماهو بحث عن اعذار رغم ماهي عيب الاعذار لانها تكون جزء من تكوينا لولابحثنا عن اعذار لنفسنا  لكانت مشاعرنا تعاني من التجلط بين كل فترة وفترة

عشان كذا احيانا المشاعر تسوي تحويل للشخصية احياناتحويل كامل واحيانا لا

يكون الاختلاف بختلاف الاشخاص والبيئة

فيه ناس كانت مشاعرهم رمانسية وعاطفية بدرجة الاولى مع الزمن تحولو الى عدوانين 

 نوعية تجارب الحياة تحكم

وناس مكانت تومن بالمشاعر العاطفية وتاثيرها فجاة تجد نفسها فيها  مشاعر كانت نائمة وصحت  وتلك الشخصية الرافضة للمشاعر العاطفية نجدها تركض خلفها  بعدما كانت تسخر منها

المشاعر شان داخلى داخل النفس كل شخص ممكن يعبر عن مشاعرة بطريقتة الخاصة ناس كلمات بسيطة وناس بطريقة فلسفية وناس ماتقدر توصف مشاعرها مثل مانقول الكلمات تخونها في التعبير بمعنا انه مافيه كلمات توصف هالمشاعر اما تكون اكبر من المشاعر اواقل ممكن تخدع المشاعر ايضا احيانا تعطي تضخيم واحيانا تصغير

بمانه المشاعر داخل القلب والله وضع على القلب غطاء وهو الجسد اكتشافها ماهو امر سهل نقدر نحددة مائه بالمائة

بس فيه ناس تنفضح مشاعرهم لانه ملامح وجههم يحدث فيها تغير بسرعة  ناس تعطي ابتسامة وناس تكشيرة

انا الان

اطفالنا الحلوين كلهم صاحين

اعيال خواتي

واحد فيهم يغني حبة حبة على قلبي حبة حبة

وعنده مسدس لعبة ويطخ فيه ويحطه على راس جدتي هههههههههههههه

جدتي تغني الان على ولد اختي

بنت اختي تقول لولد اختي وهو ماهو شقيقها هي بنت اختي الثانية تقوله ليه صحيتني

صحيتني من الحلم كان ودي اعرف ويش قصة التاكسي اللي ركبته

ياليت مسموح لي اصور لكم المشهد

احس قاعده مابين الوحوش ههههههههههههههه

طبعا جدتي اسألت بنت اختي سؤال ولافهمت له بنت اختي وانا ترجمته لانها ماتعرف كلمات جدتي

اختلفت اللهجات واندثرت بعض الكلمات خصوصن اللي ماتكون مباشرة

فيها التواء ههههههههههههههه

رمزية يعني على قولة المثقفين امثالي ههههههههههههه

اختي تقول صديقاتها ازعجتتها كل شوي تقول عندها بلاك بيري وبنت اختي ماعندها جوال

ولد اختي عنده بلاك بيري وقاعد يدخل منه مدري ويش يدخل ههههه بيروح اول متوسط

طبعا مشهدي معهم يسلام اسمع

من كل مكان

جدتي تصفق  وتغني

الحين ياذن الساعة ثلاث وثمان دقائق

حطين التلفزيون على قناة الراي

بنت اختي الصغيرة اللي تروح سادس  تشوف ولد اختي الصغير اللي ماهو اخوها طبعا يمشي وياكل بطاطس تقول لية كذا يشهينا على الاكل

خوش صوم هههههههههههههههههههه

بنت اختي تتثوب

ولد اختي شال اللاب توب ومايدري اي مقبرة بيكون فيه اللاب توب

هههههههههههههههه

طبعا لازم اكتب اسماء عيال اختي وخواتي ادور لهم اسماء مستعارة

عندي وحدة بنت اختي بتروح اول ثانوي مسمية نفسها الحنونة

تمدح نفسها بهذا الاسم المستعار

جوالي ياذن الان لانه قبل الساعة اللي تاذن ولانه صوت الاذان مايوصل بيتنا  فنحن نستعين بادوات العصر الحديث

ولد اختي منفعل ماسك المسدس يطخ على الشاشة

اخذته منه بروح ارميه في الزبالة

ههههههههههههه

عندي مسدس قولو بس مين تبون اطلق النار علية

طخ طخ طخ طخ

احنا بالغرفة ثلاثة

فاتحين اللاب توبات ماناقص الاجدتي

جدتي حاطه يدها على راسها

نزلتها

اقولها صلي يامة

قالت صليت

وانا يبيلي اقوم اصلي ابرك  لي

الحين اتصل في اختي رايحة عمرها

العام رحت العمرة يسلام والله رحلة مافيها مثلها

ان شاء الله اعيدها السنه الجاية

كاتبة شوي من مذكراتي في مكة

بدور اللي كتبته

واحطها

الله يجازء خير من صحح بعضها

بس باقي كثير عندي كاتبته في دفتر صغير

يازيني بس ههههههههههههه

امس شريت استكرات حلوة

وحطيت على كمبيوتري

بصورة ان شاء الله

ونظل نسلك في الحياة طريقنا
نمضي على الدرب الطويل
لكي نصارع يأسنا
قد تمسح الأيام فيه دموعنا
أو تستبيح جراجنا
ونظل نمضي في الطريق

حكاية عقدي

عقدي في سطور

أما بعد

أنواع الجمان

الــفــهــرس

نغم صورة

بريق صورة

جمانات على شبكة الانتر نت

جمانات صديقة