في يوم 27 ليلة 28من شهر صفر عام 1430 انا قبلها بيوم حلمت بولدي الصغير بأنه مسكر عليه باب وجالس يبكي ولما صحيت حسيت انو الحلم راح يتحقق 
جا باليل كالعاده ولدي الكبير يلعب مع اخوه الصغير
كانو دايم يغفلو عليهم غرفة نومي ويجلسو يلعبو الكبير كان يعرف يغفل ويفتح بس الصغير لا
جا هذا اليوم الصغير لوحده دخل وغفل على نفسه
انا جاني الكبير يقول ماما أخوي سكر باب
انا رحت لقيته مغفل على نفسه
جلست احاول يفتح اقوله يفتح وهو يقولي ماما افتح المشكله القفل صيخ حديد
وجلست انتضره يفتح مل وجلس يبكي وتعرفون عاد قلب الأم 
اتصلت على ابوه وجاني طيران 
حولنا يفتح بس ما في أمل
في نافذه في الخلف بس مختومه وعلها شباك حديد
وفي باب خلفي بس وراه في القرفه دولاب كسرناه بس خفنا مع الدفع يطيح الدولاب على الولد
انا جن جنوني وقلبي صار يرفرف 
جلست اكلم ولدي في النافذه علشان يسكت ولا في فايده عيونه طلعت من راسه
حولنا نمرر أخوه الكبير من بين اعمدة النافذه لانه ضعيف بس ارتعب وخاف وصار ابوه من جنونه على الصغير يضرب في الكبير علشان يمر من النافذه يفتح لأخوه
وبعدين راح ابوهم وجاب هيب هذا الهيب حديده ضخمه تستخدم لهدم الجدار
وبعدين شلع الحديد الي على النافذه وخطر وفتح لودي وخذته بحضني
آآآآآه ياولدي فتفت قلبي عليك 
على فكره اهو ولد عفريت وهو اشطن من الكبير معنا عمره سنه واربع اشهر بس
بس هذي هي القصه
دمتو بود
