| تسجيل الدخول |
|
التسجيل لمدونة |
|
ابلغ عن اساءة |
|
مراسلة الادارة |
|
الصفحة الرئيسية |
|
|
 |
 |
||||||||||
 |
 |
 |
 |
|
|||||||
 |
 |
 |
 |
 |
|
||||||
 |
 |
 |
|
||||||||
 |
خليف الوهيداني |
 |
 |
|
|||||||
 |
|
||||||||||
 |
|
||||||||||
|
|
|
|
|
|
|
|
|
|
|
|
|
الـبـارحـه يـومــن ضـيـقــي دعــالــي
05:46 - 22/8/2010
((التعليقات على هذا الموضوع : 0 )) 
 ------------------------------------------------------------------------------------------------------------------- ياونتي ونت اللـي ماشيـن حافـي
05:45 - 22/8/2010
((التعليقات على هذا الموضوع : 0 ))
------------------------------------------------------------------------------------------------------------------- فرجت كربه فـرج الله كربتـك
05:45 - 22/8/2010
((التعليقات على هذا الموضوع : 0 ))
------------------------------------------------------------------------------------------------------------------- دنيا بها ذقت العنـى فـي حياتـي
05:44 - 22/8/2010
((التعليقات على هذا الموضوع : 0 ))
------------------------------------------------------------------------------------------------------------------- ويــن المخـافـه واحـتـرام الابــوه
05:43 - 22/8/2010
ويــن المخـافـه واحـتـرام الابــوه
|
|
شهادة الشكر منك وسام يالغالـي
وافضل شهادة فخر منك افتخر فيها
|
|
اي والله افخر بها ورمي لك عقالـي
وابدا قصيده جديده وانت راعيهـا
|
|
ومنك الرساله بشاره تشرح البالـي
ابشارت(ن)فيضت دمع امتحريهـا
|
|
جاك الغلا غصن موز(ن)بالثمر مالي
اغصون موز(ن)على الانهار ساقيها
|
|
ويسوقه الود سوق النـود لخيالـي
امزون وسم(ن)لطيف النود قافيهـا
|
|
جت باول الوسم ماها تقل شلالـي
وباول ليال الوسم كل(ن)يحييهـا
|
|
ومن قدر الناس حصل منزل(ن)عالي
والنفس ماتغلـي الانـاس تغليهـا
|
|
ماعاد به طيب غير الهرج يالغالـي
الطيب ذهبوا رجاله وأنقرض جيله
|
|
خذ كلمت اللي نصاله كم رجالي
ولاحاش غير الظليمه مع غرابيلـه
|
|
يالله ياعلمن في خـاف الاحوالـي
ياملتجا العبـد لازادت بهاذيلـه
|
|
يامن بيدك الفرج والعمر والمالـي
ومافيه شين يكون الا أنت داريله
|
|
يالله يالله تفـرج ضيقـت البالـي
وتفرج لمن مثلنا ماعاد لـه حيلـه
|
|
ويالله تحسن لنا خاتمـت العمالـي
ويالله راع الوفا والطيب تشفيلـه
|
|
الطيب هذأ الزمان لمالـك المالـي
ومن ماملك مال ماحد اليوم باغيله
|
|
يالله اني طلبتـك يامنـش السحابـي
وسايقه بالهواء لرض(ن)دهور و سنيه
|
|
ياعظيـم الصفـاه وياشديدالعقابـي
ياكريم ورحيـم وياجزيـل العطيـه
|
|
طالبك وانت عزي يوم ضاق الفضابي
يوم دار الزمان وضاقت الارض فيـه
|
|
وبار في الصديق وراح طيبـي ذهابـي
ولاعرفني خوين كنت انا اول خويـه
|
|
ومانحنت هامتي للعسر وخفيت مابـي
واتـوارا بانفس(ن)بالمجالـس غنيـه
|
|
وخفي الضيق وخفي من زماني صوابي
وارفع ايدي للي به عزومـي قويـه
|
|
زايل الهـم وضيقـات والاكتئيابـي
الله اللـي يشـوف البينـه والخفيـه
|
|
خالق ادم من الطينه بوسـط الترابـي
كاتب الجل واسبابـه ويـوم المنيـه
|
|
باعث الجسم معه الروح يوم الحسابي
وعندموت الجسم تصعد له الروح حيه
|
|
ياجميـل المثايـل ياطـوال الهضابـي
والله اني مثل راعيك نفـس القضيـه
|
|
ميـر بالله توكـل ياعزيـز الجنابـي
ولايضرك من المخلوق مليون سئيـه
|
|
سلام يالكفه ويازوارهـا مـن كـل صـوب
وسلام يابوح القصيد وياحـلا كـل القصيـد
|
|
تحيت(ن)بغلا عطر تفوح مـن كـل الـدروب
تشمل جميع اللي لفولك من قريب ومـن بعيـد
|
|
يامن غلاك بوسط دم اللي عرف طبعك يـذوب
تستاهلين المدح يالكفه على الشكـل الجديـد
|
|
يهبك زين المثل لو ماسكـن فكـري هبـوب
في ساعة(ن)نظم القصايد خاطري ملهـا يريـد
|
|
يسوقها غلاك سوق اللي فقـد قـرب محبـوب
الغالي اللي كـل يـوم لغيبتـه شوقـه يزيـد
|
|
تهبلك جزل القصايد من شمـال ومـن جنـوب
ولعل زوارك علـى عـز ونقـا دايـم تزيـد
|
|
والله يكثربك اهل اطولات ونظـاف القلـوب
ومن غاب من زوارك الغاليـن بالسرعـه يعيـد
|
|
جت لك من اللي في غلاك مثبت(ن)ماهو كذوب
توميلـك المثـال وغصـون مثـل الجـريـد
|
|
جريدنخل(ن)غالي الاثمـار مشـروع محسـوب
ماغاب عنه اللي من ثمـاره وطلعـه مستفيـد
|
|
المالك اللي جمله بالقـص مـن كـل الجنـوب
من الغلا والربـح مـارده عنـه يوم(ن)جليـد
|
|
يالله يامن في يديـك العمـر غفـار الذنـوب
تنصر جنود المسلمين وتحفـظ الديـن الحميـد
|
|
يافراج الشدات للمسلـم بحـزات الكـروب
يسر امـور الضاقيـن وفـرج الهـم الشديـد
|
|
انتي اللي لك يكون الشعر في زيـن السلـوب
وانتي شموخك غير واوصافك وموضوعك فريـد
|
|
الرخمه اللي نعت للخـال بالعـاره
في لحيتـه طقعتيـن وعشـر مثنيـه
|
|
لو قال شعره ذهب ماطالت اشباره
ذيخين ربض عن سموم القيض بالفيـه
|
|
واللي يعود على الاقراب بشعـاره
فريخ حنديت(ن)في عـش حنديـه
|
|
مافاد طول الصبر مع ناس منهـاره
ناس(ن)بشين الذكر والخبث مبليـه
|
|
ناس(ن)مع الناس طول العمر طراره
ومن الحيا وجيههم بالعيـب مطليـه
|
|
وانجس من النيص بالافعال والفـاره
واخطر من الداب للاقراب والحيـه
|
|
والا البعيدين ماتنشد عن اخطـاره
من دونهم لو نوا تقصـر مساعيـه
|
|
سوالفـه ماتعـاد البيـت والحـاره
مثل المره بالسولف وطقـع شويـه
|
|
وهو ومن صاحبه لبليـس مزمـاره
وصفه قحبت(ن)خذت مال العزوبيه
|
|
من جا بالاخبار جوه الناس باخباره
ومن جا بعفويت(ن)تاتيـه عفويـه
|
|
واللي ورا مليح دون مليح ويسـاره
ومايعرف غريضه غيـر الغريضيـه
|
|
ومايعلـم الغيـب والايـام دواره
وعزي لحين شكا الزلات من حيـه
|
|
الاشافت العين ابو عمار وانصـاره
سلومه اللي من الشيمـات منفيـه
|
|
جاني خبر من شعم في غيبتـي نـاره
ولحق طمع من سكوتي عقبه وخيـه
|
|
ولو عدهم مانحصى بالخلق وديـاره
ماخذت منهم حساب ولا طروا ليه
|
|
كثرت عددهم صراصيـرن ببيـاره
بيارتن مـن عفنهـم دوم مامليـه
|
|
والطيب ماهم من اصحابـه وزواره
ولا له امل عندهم واحد من الميـه
|
|
ومن مايشوف الطريق يقص نظـاره
مايقود راع العمى ناس(ن)عماويـه
|
|
هبت هبوب الشعر وشدت امطـاره
وقت الشتاء وقتفت مزنـه شماليـه
|
|
مايدفي الناس منها الجمـر بوجـاره
عواصف(ن)تصتفق بايـام شتويـه
|
|
ياجايب العلـم رد العلـم وغبـاره
وسلم على نوير الشيخـه ونوريـه
|
|
ماني من اللي شكا من قربته جـاره
ولاني من اللي يلف الذيـل والنيـه
|
|
ومن يسبر الناس جته الناس سبـاره
وناس(ن)تقفـا عبـاد الله مقفـيـه
|
|
يافاتح الصدر سكر صـدرك ازراره
لاتبيـن السـر لعيـون الحراميـه
|
|
الطيب قفا وغـاب الطيـب دواره
واطيب اللي كسب حسنه بدل سئيه
|
|
والخلق كل(ن)له جيلـه ومشـواره
وله حريـم ورجاجيـل ونداويـه
|
|
والله ليرحل جحا لو دق مسمـاره
لو اهدم البيت من راسـه لحدريـه
|
|
ونجم(ن)سطع بالسما ماتغيب انواره
مايغيبـه غيـر قدراتـن ايـلايـه
|
|
وماياكل الحنظل الا حمـار وحمـاره
الله خلقهـا كـذا اوامـر سماويـه
|
|
للكف بصمه ماتنج اسارق اعـذاره
ولاثبات ماطا الرجل بالارض مريـه
|
|
يبا جا ابالحصين الموت فـي غـاره
وياقعد على ميخره ويرفـع اذنيـه
|
|
ولعيون من قدرها يازن جبل قـاره
اللي لهـا هامتـي يالعفـن محنيـه
|
|
جهزة جيش القصيد واوصلك انذاره
وحنا اهل الدار ماجينـاك طرقيـه
|
|
والحر يفهم معان الهـرج بالشـاره
وما تقبل الهندي الا بنـت هنديـه
|
|
بانت خفايا طويل العمر والسـراره
ماعاد عنده عقب هالفعـل سريـه
|
|
والرجل فعل الكرم والطيب مقداره
ونفس الحسد ماتحب افعـال وديـه
|
|
ومعروف درب الردا والطيب معباره
ويوم الشدايد لراع الطيـب ماريـه
|
|
باول شهر خمسسه وفي عشره الفيـن
ايـام لطفـت النفـوس ابمطـرهـا
|
|
يوم الاحد والسبت قبلـه والاثنيـن
مابينـت شمـس الحيـاه وقمرهـا
|
|
هي منوت اللي ماشكى من اهل الدين
والاضاق من كثر الديون وخطرهـا
|
|
ولحكمته شروط العمـل والقوانيـن
واجازتـه يجلـس سنـه ينتظرهـا
|
|
وجبرن عليه يواجه الشيـن والزيـن
وناس(ن)يبين حقدهـا فـي نظرهـا
|
|
وياليتهم بالقـول والفعـل وافيـن
ناس(ن)سوالفهـا تفتـش صررهـا
|
|
وقت السعه بالفعل والطيب راهيـن
وماحدن فعايلهـم بعـده حصرهـا
|
|
وبالمعرفـه والهـرج ناس(ن)ذكييـن
وفعولهم صعبـه والاحـدن قدرهـا
|
|
شهب الوجيه اللي تقل وقتهم شيـن
مافيهـم اللـي نعمـة الله شكرهـا
|
|
ناس(ن)تلف يميـن ويسـار ويميـن
ومقصصـن منـا ومنـا شعـرهـا
|
|
ولو يوم ولدم وانت عمـرك ثلاثيـن
جابو علوم(ن)عمرهـم ماحضرهـا
|
|
ولاوصف واحدهم مريض(ن)ومسكين
قبل تلـد عنـده حياتـك خبرهـا
|
|
ولو قلت له ياخوي اناشفت بالعيـن
يقـول عينـك ماتحقـق نظـرهـا
|
|
ويقول انااثبت لك ماهو هرج تخمين
قوقل يجيب لـك الحقايـق خبرهـا
|
|
وجيب لك طيب فحـول البعاريـن
واقيامهـا واصولهـا مـع صورهـا
|
|
وين انت ياقوقل من شهور وسنيـن
ياحافـظ تـراث الحيـاه لبشرهـا
|
|
يوم القصور اللي تبنـا مـن الطيـن
اللـي بقـت اثـار للـي عمرهـا
|
|
يوم الحياه ظروف ماهـي باذلحيـن
وسنين فقر ومـوت ساعـه دهرهـا
|
|
وقت(ن)فقر لكـن ناسـه كريميـن
مايضق خاطر ضيفها اللـي خطرهـا
|
|
حاولوها يوم ربي من غلا نفسـي عطاهـا
وقنعوها بالغلا اللي جالها غصب(ن)عليـه
|
|
وانشدوها يوم ترفض عشرتي وشو بلاهـا
وعلموني وش تظن بقربتـي وتظـن فيـه
|
|
وقولو اني حاضر(ن) باللي تبي حتى رضاها
ومشتريها لو تقول ادفع ورا الخمسين ميـه
|
|
وماشين باللي تبي والنفس قربتهـا هواهـا
وماعصاها لو تقول اضرب على درب المنيه
|
|
ومن فداها الروح والاموال والدنيا فداهـا
ومن فداياها جميـع اللـي يطولنـه يديـه
|
|
وقابلن ماذكر فيها شينهـا قبـل حلاهـا
لو تضحيبي نهـار العيـد الاول بالضحيـه
|
|
والله اني غير امشيها قدم وامشـي وراهـا
وستعدلها ليـا جتنـي ودق لهـا التحيـه
|
|
وغير ادللها وخليها تصـل غايـت مناهـا
واحترمها كاحترام العسكري للعسكريـه
|
|
وغير اعاملها معامل بنتها اللي من حشاهـا
ولاحسبت حساب نقال السوالف والزريه
|
|
اخر ارسالت غلا و موت قلبـي مانساهـا
كانها جت مرحبا وان روحت ماتشوف سيه
|
|
ياحسايف ليتني ماجيت لك مـن بعـد عانـي
ولانخدعت بذكرك ادين ولاصدقـت قولـك
|
|
وليتني ماطعت شور اللي منك بالعلـم جانـي
وليتهم ماعلمونـي فـي عنـاك ولافزعولـك
|
|
جيت لك والضيق من شكواك لنـاس يحدانـي
وشفت حقراني منك والنقد جاني من وصولـك
|
|
بس انا اباعطيك قولي والعمر لـو طـال فانـي
قول(ن) امؤكد وانا القايل ماهو فعلك وقولك
|
|
ماتبين لـي منـك والغيـب والسـر يخفانـي
ان من غيرك عن رايك ماهو عنـدك وحولـك
|
|
جاك من جالك مسير وانت فتحـت الاذانـي
لين غير قولك اللـي مايتغيـر عـن فعولـك
|
|
يالله اني طالبك يافـارض (ن)صـوم ارمضانـي
يالعظيم اللي عبادك خشيت(ن)منك اسجدولك
|
|
انت رب الخلق كله واحد(ن) مامعـك ثانـي
مالك الارواح غفار الذنـوب لمـن دعولـك
|
|
وانت من تقدر تبيد الكون في عـددت ثوانـي
وانت عز اللي ليا ضلقـت عليهـم التجولـك
|
|
عالم(ن) النيات عالـم كـل مابالكـون كانـي
والعوض والصدق والفزعات من دينك واصولك
|
|
بالله ابدا خير من كـل الامـور وماحواهـا
فارض الدين الحميد وحجت العـام وصيامـه
|
|
مرحبا ترحيب(ن)جزلـه وعالـي مستواهـا
مرحبا من ساحـل الدمـام لساحـل تهامـه
|
|
بدولة اللي عزهـا بالحكـم وبفعلـه حماهـا
يوم حط السيف والنخله على قصر اليمامـه
|
|
الشجاع اللي بضرب السيف واليمنا خذاهـا
ماهو في حب الخشوم ولا انتخاب(ن)حل عامه
|
|
البـلاد اللـي بشـرع الله ودينـه مبتداهـا
قبلة الاسـلام دار العـز والديـن ونظامـه
|
|
الله اللي عزهـا بالديـن والحكـم وعطاهـا
منبع البترول واكبـر دولة(ن)منتـج لخامـه
|
|
في ذرا ملوك (ن) تجي كل الدول لوحت نداها
الملوك اللي فـي ارض الله تعلـوا بالزعامـه
|
|
اسعد الله كل صبح المملكة واسعـد مساهـا
واسعد الله شعبها والامـن فيهـا الله دامـه
|
|
روحت مثل المزون اللـي نسانيسـن هواهـا
السحاب اللي حجب شمس الظهيره في غمامه
|
|
المزون اللي ماكف سبـوع ماطرهـا وماهـا
لين سال السيل منهـا بالدحـال وبالعدامـه
|
|
والرعد والبرق فيها عز مـن عـزه دعاهـا
الرفيق وصاحبي بالعمر مـن سـن الفطامـه
|
|
مرحبا ترحيب(ن)جزلـه وعالـي مستواهـا
بسم من علم المراجل والكـرم دايـم مرامـه
|
|
الكريم اللي رفيقه ماحسب نفسـه خطاهـا
محمد السلمان وهذا المـدح بغيابـه وامامـه
|
|
يجمع الاقراب و الاصحاب مايشتت عصاهـا
والمراجل والكـرم والديـن همـه وهتمامـه
|
|
مرحبا بضيافت اللي همـه ضيوفـه رضاهـا
ماهو باللي ماحسب لضيف والعانـي مقامـه
|
|
ماحلا ايام الفـرح وايضـا ليالـه ماحلاهـا
ومحلا غقب البطا يـوم التجمـع بالسلامـه
|
|
تمشي الامثال قدمي طوع والا العـن ثواهـا
لو تلقت ليل(ن)الظلم ماتحقـق فـي ظلامـه
|
|
ناس تفرح في مقفاهـا وناس(ن)فـي لقاهـا
وناس بعد الرجل عنهم بالعمر عـز وكرامـه
|
|
انشد اللي جـرب الدنيـا وذوقتـه عناهـا
مايتخيـل مايقـول ولايـزود فـي كلامـه
|
|
كم رجال(ن)من عنى نفسه وضيقاته نصاهـا
وعـاد منهـا بالظليمـه والزريـا والندامـه
|
|
ماهو باللي ياصف الدنيا وياصفلـك قساهـا
وهو ماضاقت عليـه ولاتكـدر فـي منامـه
|
|
ولا امست الدنيا عليه من الشقا مظلم فضاها
وخلته ينصا القريب والبعيـد مـن انهزامـه
|
|
وخلته ينصا رجال(ن)قبل مايعـرف خفاهـا
الرجال اللي على السمعه يزيد لهـا احترامـه
|
|
لاتمدح بالرجـال اللـي ماتعـرف ماوراهـا
ولاتسافر بالنهار اللي غطـا الرؤيـا عسامـه
|
|
ولاتسمع مدح ناس(ن)تمدح النـاس بعماهـا
ولاتصدق مدح من فعل الردا دايـم حزامـه
|
|
والمراجل ماهي للـي خزنـة ابنـوك ملاهـا
كم غنين لابس(ن)وسط البشر ارخص عمامه
|
|
وماتروح حقوف خلق الله والله مـن وراهـا
ولو تروح حقوق بالدنيا تجـي يـوم القيامـه
|
|
واعسف الامثال لو غيري بعسفـه ماقواهـا
وحتزم بسلاحي ياللـي مايفشلنـي حزامـه
|
|
ماني باللي كلمتـه الاقالهـا ماحـدن لقاهـا
والا يسوى الحر لو هو طير في طيـر الحمامـه
|
|
مامشينا الناس يوم الكسـب باليمنـا وراهـا
ولانحنت هاماتنـا سقنـا الجهامـه بالجهامـه
|
|
ولانكدر خطر الاصحـاب ونضيـع وفاهـا
طيبنا من دون حق الصحابنـا فوقـه علامـه
|
|
والرجال اللي على الكوبه مخنجرت(ن)لحاهـا
لا رحم الله من يجاملهـم ويتبعهـم عضامـه
|
|
ونعنبوا من يذبح الهزله ولابـوا مـن عطاهـا
ماورا فعل الـردا غيـر المهونـه والرخامـه
|
|
وعيشت(ن)تنشب بحلق الرجل لمنـه كلاهـا
تركها لو مات جوع والا اتقفـي بالشتامـه
|
|
قلتها و النفس ماجحد لو ذكر عنـي رداهـا
ابذل المجهود والمعدوم صعـب مـن انعدامـه
|